Job Description

 Marie Stopes Internasional Timor-Leste (MSITL)

Anúnsiu Vaga Externa

Demand Generator no Edukador (Pozisaun 2)

                                                                                                                                          19 Jullu 2024

Marie Stopes Timor-Leste (MSITL), nudar membru ida husi Marie Stopes International ba parseria global ne’ebe nudar organizasaun non-profit, espesializadu hodi suporta no hato’o atendimentu saúde seksual reproduktiva (SSR) no planeamentu familiar (PF) ho kualidade aás. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternal iha Timor-Leste. Ami nia matadalan prinsipal maka atu suporta MdS hodi hato’o atendimentu saúde reproduktiva oi-oin ho kualidade aás; asegura kualidade klinikal ne’ebé diak liu; no suporta hato’o atendimentu ne’ebé fokus ba kliente no promove eskolha/hili.

MSITL agora daudaun buka hela ema Timor oan, ba pozisaun hanesan tuir mai ne’e:

1. Demand Generator no Educador ba Rejiaun Sul (Pozisaun 1)
2. Demand Generator no Educador ba Ermera (Pozisaun 1)

Demand Generator no Edukador sei servisu ho independente iha kada Rejiaun ho viajen frekuentamente ba area rural sira. Demand Generator sei servisu besik liu ho komunidade, jere relasaun ho komunidade, parseiru sira no leader lokal sira, presiza fahe informasaun kona ba saude reproduktiva no planeamentu familiar ho hasa’e ema nia kuñesimentu no abilidade atu foti desizaun rasik liga ho metodu kontrasepsaun ne’ebé benefisia ba sira nia a’an rasik. Demand Generator mos presiza halo viajem barak atu asegura katak iha kliente ne’ebé naton iha fatin atendimentu bainhira ekipa MSITL ba halo atendimentu.

Xave Rekerimentus sira ba Pozisaun:

Kualifikasaun:

• Nivel edukasaun mínimu diploma 3, prefere liu kandidatu ho nivel formasaun iha area saude.
• Sertifikadu service social III – desirable
• Iha abilidade atu komunika konseptu ne’ebé kompleksu no sensitivu ba tipu audiensia oi-oin
• Kompriende kona-ba saúde seksuál reproduktiva no planeamentu familiar
• Abilidade atu prioritiza no maneja servisu
• Iha konesimentu atu uza programa komputadór nian (MS Word, Excel, Outlook)
• Abilidade Servisu ho fleksivel no suporta nesesidade ekipa nian karik presija
• Hatene lori motor bot (Yamaha XTZ, KLX, Megapro) no karta kondusaun ne’ebé maka sei validu (validade la menus hosi tinan ida).
• Prefere liu kandidatu neebe maka iha koñesimentu diak ba Rejiaun Sul no Ermera

Abilidade:

• Tenki iha kuñesimentu no fornese informasaun kona ba saude seksual no reproduktiva, hanesan planeamentu familiar, saude menstruasaun, MHRS, relasaun saudeval, no moras hada’et husi relasaun seksual (inklui HIV &AIDS) ba membru komunidade sira
• Tenki iha kuñesimentu konaba jeneru, defisiensia no foin-sa’e. Maneja relasaun ho komunidade, parseiru sira (inklui MdS, grupu foin-sa’e sira, RHTO etc), no leader lokal sira
• Abilidade hanesan fasilitador
• Halo akonselamentu no fornese atendimentu métodu planeamentu familiar, tempu badak ba kliente sira neebe prefere métodu planeamentu familiar, tempu badak.
• Refere ka mobiliza kliente ba ekipa MSITL sira hodi hetan akonselamentu no servisu klinikal nian, hanesan Kondom, Pill, Injeksaun, Implant, IUD, LNG-IUS, teste ba MHRS, teste ba anemia, no teste ba isin-rua nian
• Promove no refere kommunidade, liu-liu foin’sa’e sira, ba Lina Foin-Sa’e. Kompleta no submete relatoriu karik presija
• Hatene oinsa halo aproximasaun ho komunidade (community engagement)
• Tenki pronto atu halo viajem mesak iha rejiaun ne’ebé ita servisu ba, depende ba orariu ne’ebé iha pelu menus semana tolu iha fulan ida nia laran.
• Abilidade atu komunika iha lingua lokal ida husi rejiaun ne’ebé servisu ba
• Minimu tinan 2 esperensia servisu iha parte relevante

Attitude:

• Iha respeitu no komitmentu ba direitu individual nian hodi kontrola sira nia fertilidade rasik
• Hatudu komitmentu pesoal hodi kontinua dezenvolvimentu profisional
• Fokus ba kliente
• Inovativu
• Bele adapta a’an no flexível mudansa iha programa no terenu
• Bele servisu iha situasaun ne’ebe ho presaun

Nota: Prefere liu kandidatu ne’ebé maka domina ho diak area Ermera no Rejiaun Sul.

Ba kandidatu sira ne’ebe interese ba vaga refere, favor bele submete karta aplikasaun, CV atuál inklui mos referensia profisional 3 no mos kopia sertifikadu edukasaun ne’ebe relevante.

Favor manda Ita-bo’ot nia aplikasaun ba Ekipa Rekursu Umanu MSITL, liu husi email ba HumanResources@msichoices.tl, ho subject line hakerek NaranPrimeiroNaranIkus_PozisaunNebeAplika (Ex:Maria Eliza_DemandGenerator).

MSTL iha politika ba Salvaguarda (Protesaun Labarik no Adultu Vulneravel) no Prevensaun ba explorasaun seksual, abuzu no prejuizu (harassment). Kandidatu sira hotu ne’ebé mak susessu sei presija atu asina deklarasaun no mos halo background check ba asuntu Salvaguarda no Prevensaun ba explorasaun seksual, abuzu no prejuizu (harassment) nian, no asina dokumentus kodigu konduta MSITL nian.

MSTL fornese oportunidade servisu nebe hanesan ba ema hotu, enkoraja Feto maluk sira atu aplika.

Loron ikus atu submete aplikasaun mak 26 Jullu 2024, oras 5.30pm. MSITL sei kontaktu deit kandidatu sira nebe tama iha lista pre-selesionadu / shortlist.

Skills Required

• ACCESS
• EMAIL